الأنيميا ونقص الحديد

د. ولاء فرح أخصائى طب الأطفال وحديثى الولادة — مستشفى النصر بورسعيد

هل تعلم ان فيه فرق ان يكون عندك نقص فى الحديد وان يكون عندك أنيميا او فقر الدم؟🤔
لما ينقص الحديد فى الدم تبدء مشاكل الخمول و الارهاق والاجهاد والتعب من ابسط مجهود وقلة التركيز والنسيان لان الحديد من المركبات اللى بيحتاجها الجهاز العصبى خاصة والجسم عامة للقيام بالوظائف الحيوية.
👈المعلومة اللى عايزينك تعرفها ان نقص الحديد لا يساوى الانيميا. وان ممكن يبقى عندك نقص الحديد وصورة الدم ومستوى الهيموجلوبين طبيعى .
ولان الوقاية خير من العلاج … احرصوا على تناول الاطعمة اللى فيها حديد ويحبذ معها الاطعمة اللى فيها كمان فيتامين سى اللى بيزود امتصاص الحديد وبشكل يومى قدر المستطاع :
🌺الاكلات الشعبية: الكشرى – البصارة – شوربة العدس – الفول النابت – العجة
🌺حزمة بقدونس مقطعة مع طبق السلطة
🌺حزمة جرجير فى الافطار مع الفول والطعمية
🌺سلطة او عصير البنجر
🌺طبق من الفواكه المجففة (زبيب – مشمش – اراسيا – تمر) او مكسرات غير محمصة (فول سودانى مثلا)
🌺الخضروات الداكنة كالسبانخ والملوخية والبروكلى
🌺المنتجات الحيوانية : بيض – لحوم – دواجن – كبد – منتجات بحرية