التغذيه التكميليه لطفلك

د. ولاء فرح أخصائ طب الأطفال وحديثى الولادة مستشفى النصر بورسعيد

لسه مكملين مع بعض في التغذيه التكميليه لطفلك…😍
طب هو في أكلات معينه نركز عليها شويتين ..أه
بصي يامامي من أسباب دخولنا أكل لطفلك بعد 6 شهور بتوعنا اللي اتفقنا عليهم البوست اللي فات.….😊
ايه اتفقنا ولا ايه طمنوني…؟؟😍…اتفقنا أنا واثقه وسمعاكم كمان😁😁
إيه بقى الأسباب…؟؟
طفلك بيكبر ومحتاج لمعادن وفيتامينات مهمه لنموه وفي بعضها لبنك مش بيوفره بكميه مناسبه ع 6 شهور
بيسموها عندنا GAP.. طب هم إيه بقى؟؟؟
**أولهم الحديد وبيجي وراه ع طول الزنك…عشان كده نركز ع مصادر الحديد في الأكل ولو أخدنا الحديد في الأكل ضمنا معاه الزنك😊
والحديد موجود فين…؟؟
عندنا مصادر حيوانيه(haem) ودي الحديد فيها نسبة امتصاصه أعلى وده موجود في اللحوم الحمرا والكبده ومصادر تانيه نباتيه ودي نسبة امتصاص الحديد فيها أقل فيستحسن ناخد معاها اكلات فيها فيتامين C..زي ايه المصادر دي زي البقوليات: العدس واللوبيا والبازلاء والخضروات الورقيه الداكنه زي السبانخ..معانا كمان المكسرات والفواكه المجففه ومننساش البيض وعشان ناخد الفايده ناخدها من البيضه كامله ياجماعه🙏
طب ابني مش بيطيق صفار البيضه المسلوقة في بقه😤..اعمل ايه؟؟
عنده حق الصراحه ده حاجه كده بتمليط😂😂 ياست الكل اقليه..حطي شوية زيت صغننين خالص واقلي البيضه ايه المشكله؟؟😊
اقولك اعمليله شكشوكه…مين ميحبش الشكشوكه😁😁
الغرض يعني ان احنا ننوع في المصادر والطريقه…
معلش هتتعبي شويه… بس والله يستاهل تعبك هترتاحي بعد كده لما تبني ابنك صح ومناعته تبقى فله😁
طب اكلات فيها فيتامين C زي البرتقال وااليمون والبروكلي والطماطم
***تاني تاني حاجه نركز عليها في أكلاتنا الكالسيوم زي ايه…طبعا اللبن ومنتجاته الزبادي والجبن ويااااريت تبقى قريش🙏🙏..ومعانا المكسرات برده..الراااءع بقى في احتواءه ع الكالسيوم ياجماعه بذور السمسم😍😍بس مش تروح نحطه ع الطعميه ونقليه في الزيت ونقول ادينا سمسم😂😂😂😂
ممكن نطحنه وندخله ع أي أكله طازه زي الزبادي مثلا
يعني نوعي عندك اصناف كتيير ونعم ربنا لاتحصى
ابني مش بيطيق اللبن ولاريحته😤…اعمليه كريم كراميل😂
***تالتهم بقى فيتامين أ والمفروض ان الوحدات الصحيه بتوفره مع تطعيم التسع شهور ومع تطعيم السنه ونصا لمفروض اول السنه طفلك ياخد100,000IU
والسنه الثانيه من عمر الطفل ياخد 200.000IU والجرعه دي المفروض تتكرر كل ستة أشهر
طب نقول الاكلات اللي فيها فيتامين أ هنلاقيها لونها برتقالي كده جميل😁 الجزر والقرع والبطاطا والمانجو😁 والورق الاخضر زي السبانخ
ماشي ياست الكل معلش اتعبي شويه وخليكي صبوره تقدمي الصنف مره واتنين وتلاته.…اصدمك😂. اخر أبحاث قالت لازم تقدمي الصنف من 11:15 مره عشان تحكمي انه مش متقبله اه والله العظيم زي مابقولك كد😂 ازاي بقى..؟؟ عشان الست المصريه ملهاش خلق وهتخلصهم في يوم 😂😂😂..نقدم الصنف مره كل يوم يعني 15 يوم
نخلي موضوع الاكل ده حاجه كده لذيذه وتبصي في عين طفلك وانتي بتأكليه وتأكلي ومعاه وحاولي مفيش حاجه تاخد انتباهه وشجعيه واياكي والغصب او العنف شبع خلاااااص مش لازم يخلص طبق الاكل اللي شبه طبق باباه معدة طفلك صغيره مش حجم معدتك ولا معدة باباه😂😂
أوعي تزعلي مني..ده انا بحبك والله وبكتبلك مخصوص😍😍😘
دمتمن في صحه أفضل انتن وأطفالكن😍

  • Next Conference Port-Said Neonatology 15/10/2019