طعام طفلك

دكتورة ولاء فرح أخصائى طب الاطفال وحديثى الولادة — مستشفى النصر — بورسعيد

سلام عليكم…أزيك ياأحلى مامي 😍😍
ولسه مكملين في رحلة الطعام😁 مع طفلك ..
💠والرحله في السنه التانيه من العمر بتبقى أصعب لأن الطفل بيبتدي يحس بذاته وعايز يعتمد ع نفسه وطبعا احنا لازم ننمي الموضوع ده فيه..لازم نعوده في الأول ان اليوم في فطار وغدا وعشا ويحبذا لو يساعدك كمان وانتي بتحضري للغدا ويحط اطباق بلاستيك فيها حاجات بسيطه وهتقعدي تتغدي معاه يامامي وتشجعيه كمان انه يستعمل ايده ويرفع المعلقه لبقه اكيد طبعا هيلغوص واللي هيدخل لبقه رزتين والباقي ع الأرض😂😂.وطبعا انتي حبيبتي مش هتقدري تستحملي المنظر ده😂😂…والسجاد طبعا عندك أهم😂😂.
💠معلش قبل المعركه دي هتستحضري النيه ان اللي هيحصل ده بدافع انك تطلعي بني آدم سوي 😘وتفرشي مشمع كبير ع السجاده وتحطيله طبقه ويلغوص براحته وتشجعيه في كل مره يحط المعلقه في بقه 😋😋 كده وقت الغدا بالنسبه له هيكون ممتع ويستناه مش هيهرب منك 😤..
💠قصة الطبق اللي بيلف الشقه كلها دي عايزين نقضي عليها ..الغدا ليه مكان ووقت نعوده ع كده …
💠خليه يعتمد ع نفسه مش في الأكل بس في كل حاجه وهو عنده استعداد كبير ..ابني ابنك👏👏👏
**مدة الوجبه أقصاها نصف ساعه**
💠بلاااااش غصب أو عنف😡

🙏🙏دمتمن في صحه أفضل أنتن وأطفالكن😘😘

  • Next Conference Port-Said Neonatology 15/10/2019